ഓഹരി വിപണി അസ്ഥിരമായി തുടര്‍ന്ന ജൂണ്‍ പാദത്തില്‍ ആഭ്യന്തര മ്യൂച്വല്‍ ഫണ്ട് (എംഎഫ്) രംഗത്തെ മാനേജ്മെന്റിന് കീഴിലുള്ള ശരാശരി ആസ്തി (എയുഎം) 13.8 ശതമാനം വര്‍ധിച്ച് 37.74 ട്രില്യണ്‍ രൂപയായി. അതെ സമയം സെന്‍സെക്‌സ് 9.5 ശതമാനം ഇടിഞ്ഞ ജൂൺ അവസാനിച്ച പാദത്തില്‍ സെൻസെസ് 9.5 ശതമാനം ഇടിഞ്ഞപ്പോൾ ബിഎസ്ഇ (BSE) മിഡ്ക്യാപ്, ബിഎസ്ഇ സ്‌മോള്‍ ക്യാപ് സൂചികകള്‍ യഥാക്രമം 10 ശതമാനവും 12.2 ശതമാനമാണ് ഇടിഞ്ഞത്.
സ്റ്റേറ്റ് ബാങ്ക് ഓഫ് ഇന്ത്യയുടെ മ്യൂച്വല്‍ ഫണ്ടിന്റെ എയുഎമ്മില്‍ 23.7 ശതമാനം വളര്‍ച്ചയാണുണ്ടായി 6.47 ട്രില്യണ്‍ രൂപയായി.രണ്ടാം സ്ഥാനത്തുള്ള ഐസിഐസിഐ പ്രുഡന്‍ഷ്യല്‍ മ്യൂച്വല്‍ ഫണ്ടിന്റെ എയുഎം 11.8 ശതമാനം വര്‍ധിച്ച് 4.65 ട്രില്യണ്‍ രൂപയും കൊട്ടക് മ്യൂച്വല്‍ ഫണ്ടിന്റെ എയുഎം 14.6 ശതമാനം ഉയര്‍ന്ന് 2.82 ട്രില്യൺ രൂപയുമായി.
